غزني پوهنتون کې د دعوت او ارشاد آمریت له لوري امر بالمعروف او نهی عن المنکر قانون د ښه تطبیق په موخه ناسته وشوه.
ورځ: دوشنبه
۳/رمضان المبارک/ ۱۴۴۶ه ق
۱۳/ کب / ۱۴۰۳ هـ ش
۳/ مارچ / ۲۰۲۵ ميلادي
نن ورځ په غزني پوهنتون کې د دعوت او ارشاد آمریت له لوري د امر بالمعروف او نهی عن المنکر قانون د ښه تطبیق لپاره مهمه ناسته ترسره شوه. یاده ناسته د پوهنتون د عمومي رئیس، الحاج مولوي عبدالواسع منصور، په مشرۍ جوړه شوي وه، چې پکې د مالي او اداري چارو مرستیال، د دعوت او ارشاد آمریت آمر، ګډون درلود.
د ناستې موخه د امر بالمعروف او نهی عن المنکر قانون د تطبیق څرنګوالي ته توجه کول او د هغه اړوند ستونزې او حللارې څېړل وو. د پوهنتون رئیس پرېګړه وکړه، چې یاد قانون څلور فصلونه لري، باید هر فصل یې د یوې ربعې په جریان کې د پوهنتون ټولو کارکوونکو ته سم تشریح او ور وپېژندل شي.
ناسته د دعا په ویلو سره پای ته ورسیدله.
د نشراتو او عامه اړیکو عمومي مدیریت
