غزني پوهنتون کې د تضمین کیفیت کمېټې د ۱۴۰۴هـ ش کال وروستۍ ناسته ترسره؛ چې پرمهال يې د یادې کمېټې کلنۍ کړنې او لاسته راوړنې له ګډونوالو سره شریکي شوې.
غزني پوهنتون کې د تضمین کیفیت او اعتبار ورکولو کمېټې د ۱۴۰۴هـ ش کال وروستۍ ناسته ترسره؛ چې پرمهال يې د تضمین کیفیت او اعتبار ورکولو آمریت آمر او د یادې کمېټې د مسؤل پوهندوی دوکتور دریا خان هڅاند له لوري په روان ۱۴۰۴هـ ش کال کې د یادې کمېټې ترسره شوي، فعالیتونه، لاسته راوړنې او د کیفیت د لوړولو په برخه کې ترسره شوو کړنو راپور يې له ګډونوالو سره شریک کړل.
په ورته مهال ښاغلي دوکتور هڅاند د پوهنتون د علمي او اداري چارو د ښه والي په موخه د تضمین کیفیت د سیستم پر اهمیت خبرې وکړې او ویې ویل چې د یادې کمېټې اساسي موخه د پوهنتون د علمي معیارونو لوړول، د تدریسي بهیر پیاوړتیا او د معیاري لوړو زده کړو د برابرولو لپاره دوامداره هڅې دي.
نوموړي د خپل راپور په ترڅ کې څرګنده کړه چې د ۱۴۰۴هـ ش کال په اوږدو کې د پوهنځیو د ځان ارزونې پروسې پیاوړتیا، د استادانو او کارکوونکو د ظرفیت لوړونې پروګرامونه، د کیفیت د معیارونو د پلي کېدو څارنه، او د اسنادو د تنظیم او معیاري کولو په برخه کې مهم ګامونه پورته شوي دي.
او همداراز يې د دغي کمېټې د ټولو غړو او هغو استادانو هڅي وستایلې چې په اړوندو برخو کې يې
نه ستړي کېدونکې هلي ځلې کړي وې.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، رمضان المبارک ۲۶ مه
۱۴۰۴هـ.ش، حوت ۲۴ مه
۲۰۲۶م، مارچ ۱۵ مه
