غزني پوهنتون کې د اداري کارکوونکو د ظرفیت لوړونې، اداري چارو د لا ښه تنظیم او ورځنیو دندو د اغېزمن ترسره کولو په موخه، د «وخت مدیریت» تر سرلیک لاندې درې ورځنی ورکشاپ ترسره شو.
غزني پوهنتون کې د کارکوونکو چارو آمریت له لوري د اداري کارکوونکو د ظرفیت لوړونې، اداري چارو د لا ښه تنظیم او ورځنیو دندو د اغېزمن ترسره کولو په موخه، د «وخت مدیریت» تر سرلیک لاندې درې ورځنی ورکشاپ ترسره شو.
په یاد دری ورځني ورکشاپ کې اداري کارکوونکو ته د وخت د ارزښت، د کاري لومړیتوبونو ټاکلو، د ورځنیو چارو د منظم پلان جوړولو، د وخت د ضایع کېدو د مخنیوي او د دندو د پر وخت او اغېزمن ترسره کولو په اړه اړین معلومات او عملي لارښوونې وړاندې شوې.
د ورکشاپ موخه د اداري کارکوونکو د مسلکي وړتیاوو لوړول، د کاري نظم پیاوړتیا، د وخت د غوره مدیریت له لارې د چارو چټکتیا او د اداري فعالیتونو د کیفیت لوړول و.
د یادونې وړ ده چې دغه درې ورځنی ورکشاپ د غزني پوهنتون د اداري کارکوونکو د ظرفیت لوړونې او د اداري چارو د لا ښه تنظیم په لړ کې ترسره شو.
د نشراتو او عامه اړیکو عمومي مدیریت
سه شنبه
۱۴۴۸/۰۳/۰۴ هـ.ق
۱۴۰۵/۰۵/۲۷ هـ.ش
۲۰۲۶/۰۸/۱۸م
