غزني پوهنتون کې اداري کارکوونکو ته د احتمالي اور لګېدنې پر مهال د پر وخت غبرګون؛ او اور وژنې وسایلو د پېژندنې او سمې کارونې په اړه د عامه پوهاوي سمینار ترسره شو.

gu_user1
یکشنبه ۱۴۰۵/۶/۲۹ - ۱۴:۲۳
af

غزني پوهنتون کې د اداري کارکوونکو د مسلکي پوهاوي او د احتمالي اورلګېدنې پر مهال د سم او پر وخت غبرګون د وړتیا لوړولو په موخه، د اور وژنې وسایلو د پېژندنې او سمې کارونې تر عنوان لاندې د عامه پوهاوي سمینار ترسره شو.
د سمینار د پیل پرمهال د کارکوونکو چارو مولوي جلال الدین حلیمي د موضوع اهمیت ته په اشارې سره وویل چې باید ټول کارکوونکې پر وخت په دغو پلان شوو سمینارونو او ورکشاپونو کې ګډون تر څو ظرفیتونه لوړ او اداري چارې لا چټکي شي.
وروسته یاد سمینار د علمي څېړنو د مرستیال پوهندوی دوکتور دریاخان هڅاند له لوري وړاندې شو؛ چې پر مهال یې  ګډونوالو ته د اور وژنې د بېلابېلو وسایلو د پېژندنې، د هغوی د کارونې د څرنګوالي، د اورلګېدنې پر مهال د لازمو احتیاطي تدابیرو او د پېښو د مخنیوي په اړه لازم معلومات او عملي لارښوونې وړاندې شوې.
د سمینار موخه د اداري کارکوونکو د پوهاوي لوړول، د اورلګېدنې د احتمالي پېښو پر وړاندې د چمتووالي پیاوړتیا او د انساني او مادي زیانونو د مخنیوي په برخه کې د مسؤلیت احساس رامنځته کول و.
د نشراتو او عامه اړیکو عمومي مدیریت
 یکشنبه
۱۴۴۸/۰۴/۰۷ هـ.ق
۱۴۰۵/۰۶/۲۹ هـ.ش
۲۰۲۶/۰۹/۲۰م

تازه ترین اخبار

چهارشنبه ۱۴۰۵/۷/۲۹ - ۱۱:۳۰
Background image

غزني پوهنتون کې د اداري مراسلاتو د معیاري کولو او مسلکي مکتوب لیکنې په موخه د اداري مراسلاتو او مکتوب لیکنې معلوماتي سمینار ترسره شو.

غزني پوهنتون کې د کارکوونکو چارو آمریت له لوري د اداري کارکوونکو د مسلکي ظرفیت لوړونې، اداري مراسلاتو د معیاري کولو او د رسمي مکتوبونو د لیکنې د کیفیت ښه‌والي په موخه یو ورځنی معلوماتي. . .

سه‌شنبه ۱۴۰۵/۷/۲۸ - ۱۴:۲۴
Background image

غزني پوهنتون کې استادانو او اداري کارکوونکو ته د لمانځه د اقامې فرمان د ښه تطبیق او د لمانځه د غوره اداینې او فضیلت په اړه دیني او اصلاحي سمینار ترسره شو.

غزني پوهنتون کې د دعوت او ارشاد آمریت له لوري استادانو، اداري او خدماتي کارکوونکو ته د لمانځه د اقامې فرمان د ښه تطبیق، د لمانځه د سمې اداینې، فضیلت او ارزښت په اړه دیني او اصلاحي. . .

سه‌شنبه ۱۴۰۵/۷/۲۸ - ۱۴:۱۳
Background image

غزني پوهنتون کې د اداري چارو د اغېزمنتیا او مسلکي ظرفیت لوړونې په موخه اداري کارکوونکو ته د پلان جوړونې، راپور لیکنې او کړنو ارزونې سمینار وړاندې شو.

غزني پوهنتون کې د اداري چارو د اغېزمنتیا، کاري بهیرونو د ښه‌والي او د کارکوونکو د مسلکي ظرفیت لوړونې په موخه، اداري کارکوونکو ته د پلان جوړونې، راپور لیکنې او کړنو ارزونې تر سرلیک لاندې. . .

BACK TO NEWS