غزني پوهنتون کې اداري او خدماتي کارکوونکو ته د ناسمو رواجونو د مخنیوي اړوند ۱۷ ګڼه فرمان تدریس شو.
غزني پوهنتون کې د دعوت او ارشاد آمریت له لوري، اداري او خدماتي کارکوونکو ته د عالیقدر امیرالمؤمنین حفظه الله تعالی و رعاه د ناسمو رواجونو د مخنیوي اړوند ۱۷ ګڼه فرمان تدریس شو.
دغه فرمان د یاد آمریت د آمر مولوي رحمت الله خلیل له لوري په اونۍ کې هره یکشنبه او دوشنبه تدریسیږي چې پکي د فرمان ټولي مادې، د هغې موخې، اهمیت او په ټولنه کې د ناسمو فرهنګي او اقتصادي رواجونو د له منځه وړلو تګلارې یې تشریح کړې. ښاغلي خلیل وویل چې د ۱۷ ګڼې فرمان عملي کول د ټولنې د سالمې ودې او شرعي ارزښتونو د ټینګښت سبب ګرځي.
د غزني پوهنتون مسؤلین ژمنه کوي چې د یاد فرمان د بشپړ عملي کولو لپاره به ورته روزنیز پروګرامونه دوامداره کړي او د پوهاوي سطحه به لا لوړه کړي، څو په ټولنه کې د ناسم رسم او رواج او بې ځایه مصارفو مخنیوی په اغېزمن ډول ترسره شي.
د نشراتو او عامه اړیکو عمومي مدیریت
دوشنبه، ۵ جمادی الاول ۱۴۴۷ هـ.ق— ۵ عقرب ۱۴۰۴ هـ.ش
