غزني پوهنتون عمومي رئیس د یاد ولایت ملی راډیو تلویزیون په "محور" اونیزې خپرونې کې ګډون وکړ او په پوهنتون کې ترسره شوې کړنې او لاسته راوړنې یې له ولس سره شریکي کړې.
قمري: ١٨ رمضان المبارک ۱۴۴۶
لمریز: ٢٨ کب (حوت) ۱۴۰۳
میلادي: ١٨ مارچ ۲۰۲۵
د غزني پوهنتون عمومي رئیس الحاج مولوي عبدالواسع منصور د دغه پوهنتون کلنیو لاسته راوړنو په اړه د غزني ملی راډیو تلویزیون په "محور" اونیزه خپرونه کې ګډون وکړ. او په غزني پوهنتون کې په ۱۴۰۳ هـ ش کال کې ترسره شوې کړني او لاسته راوړني یې له ولس سره شریکي کړې.
په دې خپرونه کې د پوهنتون د پرمختګونو، علمي فعالیتونو، بنسټیزو پروژو، څېړنیزو پروژو، د استادانو او محصلینو لاسته راوړنو، او راتلونکو پلانونو په اړه مفصل بحث وشو.
د غزني پوهنتون عمومي رئیس د پوهنتون د اداري، علمي، او زیربنایي پرمختګونو تفصیل وړاندې کړ، او ویې ویل چې د تیر کال په جریان کې د تدریسي کیفیت لوړولو، د محصلینو لپاره د غوره چاپېریال برابرولو، او د نوي تعلیمي برنامو پلي کولو لپاره هڅې شوې دي.
نوموړي زیاته کړه چې پوهنتون د سیمه ییزو او ملي بنسټونو سره د همکاریو پراخولو ته ژمن دی، ترڅو د محصلینو لپاره لا ډېر فرصتونه برابر شي.
په خپرونه کې د پوهنتون د استادانو او محصلینو ځینې لاسته راوړنې هم یادې شوې، چې پکې علمي څېړنې، سیمینارونه، کنفرانسونه، او ابتکاري پروژې شاملې دي.
د نشراتو او عامه اړېکو عمومي مدیریت
