غزني پوهنتون د ژبو او ادبیاتو پوهنځي استادانو او کارکوونکو ته د یاد پوهنځي تائید شوي ستراتیژیک پلان د لاښه پوهاوی په موخه علمي او معلوماتي سیمینار وړاندي شو.
۱۴۴۶هـ ق د شعبان المعظم ٢مه
۱۴۰۳هـ ش د سلواغې ١٣ مه
۲۰۲۵م د فبروری ١ مه
نن ورځ د غزني پوهنتون د ژبو او ادبیاتو پوهنځي استادانو او کارکوونکو ته د یاد پوهنځي تائید شوی ستراتیژیک پلان د پېژندنې او لا ښه پوهاوي په موخه علمي او معلوماني سیمینار وړاندې شو. یاده علمي ناسته چې د پوهنځي په ریاست کې جوړه شوې وه، پیل یې د قران عظیم الشآن د مبارکو آیتونو په تلاوت سره وشو.
ورپسې د ژبو او ادبیاتو پوهنځي رئیس، ښاغلي پوهنمل عزت الله سهاند، د ستراتیژیک پلان په جوړښت، اړوندو جزئیاتو او ستراتیژیک پلان د ښه تطبیق او د پوهنځي د علمي چارو د لا منظموالي او ټاکلو موخو ته پر خپل وخت د رسېدنې په اړه خبرې وکړې. او د پوهنځي د ستراتیژیک پلان د تشریح په برخه کې یې د پلان مهم ټکي روښانه کړل او د پوهنځي د راتلونکو موخو، علمي پرمختګ، او اکاډمیکو فعالیتونو په اړه یې هر اړخیز معلومات ورکړل.
په ناسته کې د پوهنځي استادانو او کارکوونکو د ستراتیژیک پلان د تطبیق پر څرنګوالي، علمي پرمختګونو، او شته ننګونو خبرې وکړې. ګډونوالو د یاد پلان د لا ښه تطبیق لپاره خپلې نظریې او وړاندیزونه شریک کړل.
دغه سیمینار د غزني پوهنتون د ژبو او ادبیاتو پوهنځي د علمي ودې او پرمختګ په لور یو مهم ګام بلل کېږي، چې هدف یې د پوهنځي علمي کچه لوړول او د کیفیت لا ښه والی دی.
د نشراتو عامه اړیکو عمومي مدیریت
