د غزني پوهنتون په لیلیه کې د مېشتو محصلینو غوښتنو او ستونزو د اورېدو او د معروفاتو د اقامې او منکراتو د مخنیوي په موخه له لیليې څخه لیدنه ترسره شوه.
تېره شپه د غزني پوهنتون د محصلانو چارو مرستیال مفتي عزت الله نوري د محصلینو د ستونزو د اورېدو، د هغوی د غوښتنو د ارزونې او همدارنګه د اسلامي او اخلاقي ارزښتونو د پیاوړتیا په موخه له لیلیې څخه لیدنه ترسره کړه.
په دغه لیدنه کې، مفتي صاحب نوري، له نیږدې په لیلیه کې د اوسېدونکو محصلینو وضعیت وڅېړه، د هغوی ستونزې، اړتیاوې او وړاندیزونه یې واورېدل او ډاډ یې ورکړ چې د شته امکاناتو په چوکاټ کې به ورته لازمې اسانتیاوې برابرې شي دارنګه یې د معروفاتو د اقامې او د منکراتو د مخنیوي پر اهمیت هم ټینګار وکړ، او له محصلینو یې وغوښتل چې د نظم، اخلاقو او اسلامي اصولو رعایت ته جدي پاملرنه وکړي. او ويې ویل چې پوهنتون نه یوازې د علمي ودې مرکز دی، بلکې د سالمو ارزښتونو د ترویج ځای هم دی.
محصلینو هم خپل نظریات او ستونزې په اړوند برخه کې شریکې او مننه یې ورڅخه وکړه چې پر وخت د دوی ستونزو ته رسېدنه کیږي.
دا ډول لیدنې د پوهنتون د ادارې او محصلینو ترمنځ د باور فضا پیاوړې کوي او د ستونزو د حل لپاره یو اغېزناک ګام بلل کېږي.
نشراتو او عامه اړیکو عمومي مدیریت
نېټه: پنج شنبه
۱۴۴۷هـ.ق، ذوالقعدة الحرام ١٣ مه
۱۴۰۵هـ.ش، ثور ١٠ مه
۲۰۲۶م، اپریل ٣٠ مه
