د غزني پوهنتون رهبري شورا ناسته ترسره شوه او د محصلینو د علمي سیر، HEMIS سیستم اړوند د تیرو کالونو د شوقو او یو شمیر نورو موضوعاتو په باره کي د بحث ترڅنګ لازمي پریکړي وشوې.
ورځ او نېټې: پنج شنبه
د ۱۴۴۶ هجري قمري کال د رجب المرجب ۲۲ مه
د ۱۴۰۳ هجري شمسي کال دلوه ۴ مه
د ۲۰۲۵ میلادي کال د جنورۍ ۲۳ مه
نن ورځ د غزني پوهنتون رهبري شورا ناسته د دغه پوهنتون د عمومي رئیس الحاج مولوي عبدالواسع منصور په مشرۍ ترسره او د محصلینو د علمي سیر، HEMIS سیستم اړوند د تیرو کالونو د شوقو او یو لړ نورو مهمو موضوعاتو په باره کي د بحث ترڅنګ لازمي پریکړي وشوې.
د ناستي پیل د قرآن کریم په مبارکو آیاتونو سره وشو.
ورپسې عمومي رئیس ښاغلي منصور د شورا غړو ته ښه راغلاست او هرکلی وویل، او له مسؤلینو څخه د تیرو شوراوو د پریکړو او چارو پر وخت د ترسره کولو غوښتنه وکړه. او د اجنډا سره سم د تیري رهبري شورا د پریکړو او په اړوند یې ترسره شويو کړنو ته لنډه کتنه وشوه.
همدارنګه د علمي چارو مرستیال د ټولو پوهنځیو او څانګو موجودو ستونزو د یاداوري ترڅنګ وویل چې دغه مشکلات حل او ضرورتونه رفع شوي، همدارنګه د دعوت او ارشاد آمریت د پریکړو د پر وخت تطبیق، د خدماتي کارکوونکو له لوري د پوهنتون د مهمو ساحو پاک کاري او ورته لازمه توجه، د محصلینو په علمي سیر، د خریداري هیئت او پوهنتون کې د رهبري اړوند سیمینارونو دائرول، او د پوهنتون د چاپیریال څخه د سیلابي اوبو د مخنیوي اړوند د غزني ولایت د اوبو او انرژي ریاست سره خبره شوي چې په اړوند به کړنه ترسره او دغه اوبه به د پوهنتون له ساحې څخه وګرځول شي، او د برق بیل د کنټرول او نورو مصارفو د مخنیوي اړوند کمېټه وټاکل شوه او کمېټې ته دنده ورکړل شوه چې باید د پوهنتون په دفترونو نظارت وکړي او د دغو مصارفو مخنیوی وکړي، د علماوو د امتحان جریان شریک او وویل شول چې دغه پروسه په ډیره شفافه توګه ترسره او پای ته ورسيده ، د HEMIS سیستم اړوند د تیرو کلونو د شوقو او د مختلفو کمېټو د غړو د مکافاتو او مجازاتو او تر څنګ یې په یو شمیر متفرقه او مهمو موضوعاتو بحث او لازمي پریکړي وشوې.
او ناسته د دعایې په ویلو پای ته ورسېده.
د نشراتو او عامه اړیکو عمومي مدیریت
