د غزني پوهنتون د ژبو او ادبیاتو پوهنځي د څلورم ټولګي محصلینو د خپلو عملي زده کړو او مسلکي پوهې د لوړاوي په موخه د غزني ولایت تاریخي ځایونو ته علمي سیر ترسره کړ.
ورځ: یکشنبه
۱۳/ذالقعده/ ۱۴۴۶ه ق
۲۱/ ثور / ۱۴۰۳ هـ ش
۱۱/ می / ۲۰۲۵ ميلادي
د غزني پوهنتون د ژبو او ادبیاتو پوهنځي د څلورم ټولګي محصلینو د خپلو عملي زده کړو او مسلکي پوهې د لوړاوي په موخه د دغه ولایت تاریخي ځایونو او تاریخي ابداتو څخه د لیدنې په موخه علمي سیر ترسره کړ.
دغه علمي سفر چې د ژبو او ادبیاتو پوهنځي استاد پوهنمل نقیب الله خانې خېل یې مشري کوله پکي د محصلانو چارو مرستیال انجنیر محمد عثمان منیب، د انسجام مدیر محمد رووف آرین، د نشراتو او عامه اړیکو مدیر سمیع الله ساحل او د یاد پوهنځي اجرائیه مدیر اسدالله مدثر او محصلانو ګډون درلود؛ چې د یاد ولایت له مختلفو تاریخي ځایونو څخه یې لیدنه ترسره کړه.
د دغو ځایونو د لیدنې پرمهال د غزني ولایت د اطلاعات او کلتور ریاست د فرهنګ مدیر حاجي اغامحمد خوشه زاده د دغو ځایونو تاریخي مخینه او هر اړخیز معلومات له محصلینو سره شریک او د هر تاریخي ځای اړوند مکمل معلومات یې له محصلینو سره شریک کړل.
باید وویل شي چې په دغه علمي سیر کې د ( ۳۰ ) تنه محصلینو په شاو او خوا کې ګډون کړی وو.
د نشراتو او عامه اړیکو عمومي مدیریت
