د غزني پوهنتون د خزاني سمیستر د روان درسي بهیر د کیفیت ارزوني په موخه نظارت ترسره شو.
شنبه: ۲/ ربیع الثاني/ ۱۴۴۶ه.ق
۱۴/ میزان/ ۱۴۰۳ه.ش
۵/اكتوبر/۲۰۲۴م
د غزني پوهنتون د خزاني سمیستر د درسي بهیر د لا ښه والي او د کیفیت ارزوني په موخه نظارت ترسره شو. دغه ارزیابي چې د محصلانو چارو مرستیال انجنیر محمد عثمان منیب او د تضمین کیفیت آمر پوهنمل احسان الله کامران له لوري ترسره شوه پکې د درسونو د روان بهیر څخه د محصلانو د رضایت، د عملي زده کړو، پر خپل وخت صنف ته د استادانو راتګ او محصلینو ته د ورکړل شوو کورس پالیسیو مطابق د درسونو مخته تلل او په صنفونو کې د محصلینو د ستونزو اړوند یې پوښتنې وکړې او د درسونو د کیفیت د لا ښه والي په موخه یې د محصلینو نظرونه واخیستل چې په دې سره محصلینو د روان درسي بهیر څخه رضایت او خوښي څرګنده کړه او ویې ویل چې درسونه یې په منظم ډول پرمخ روان دي او د پوهنتون له رهبري نه یې مننه وکړه چې وخت په وخت د دوي ستونزي له نیژدې څخه اوري او پر خپل وخت ورته رسېدنه کوي.
د نشراتو او عامه اړیکو عمومي مدیریت
