د غزني پوهنتون د برېښنایي زده کړو او وېب پاڼې د نوي کولو کمیټې ناسته تر سره؛ او د وېبسایټ د غني کولو او محصلینو ته د برېښنایې زده کړو په زیاتوالي بحث او لازمي پریکړي وشوې.
قمري نېټه: شوال ١٩، ۱۴۴۶ هـ.ق
لمريز نېټه: وري ٢٨، ۱۴۰۴ هـ.ش
مېلادي نېټه: اپرېل ١٧، ۲۰۲۵
د غزني پوهنتون د برېښنایي زده کړو او وېب پاڼې د نوي کولو کمېټې ناسته دټولو غړو په شتون کې تر سره کړه.
چې پیل یې د قران کریم په مبارکو آیتونو په تلاوت وشو.
ورپسې، د یاد پوهنتون علمي مرستیال مولوي محمد حیدر حمزه د الکترونیکي زدهکړو پر اهمیت هر اړخیزه وینا وکړه.
هغه په خپلې وینا کې د برېښنایي زده کړو ګټې، اړتیاوې، ننګونې او د عصري ټیکنالوژۍ په رڼا کې د دې زده کړو رول ته اشاره وکړه. نوموړي ټینګار وکړ، چې برېښنایي زده کړې نه یوازې د ښوونې او روزنې بهیر چټکوي، بلکې زده کوونکو ته د انعطاف وړ، اقتصادي او نړیوالو معیارونو سره سمې زده کړې هم برابروي.
ښاغلي حمزه دا هم وویل چې د وخت له غوښتنو سره سم باید تعلیمي ادارې د ټیکنالوژۍ په برخه کې لازم بدلونونه راولي، څو محصلین له نړیوالو پرمختګونو وروسته پاتې نه شي. نوموړي د الکترونیکي زده کړو د بنسټیزو اسانتیاوو، لکه انټرنیټ ته اسانه لاس رسی، پرمختللي ویب سایټونه، او انلاین درسي موادو ته اړتیا یادونه وکړه.
همدارنګه، د برېښنایي زده کړو او وېبسایټ د نوي کولو کمېټې لپاره غړي معرفي شول. هر غړی ته ځانګړې دنده وسپارل شوه، څو کارونه په ښه ډول ترسره شي.
او د کمیټې یو ابتدایي کاري پلان جوړ، چې پکې د ویبسایټ ارزونه، او د نوو معلوماتو ور اضافه کول، او د غزني پوهنتون د وېبسایټ غني او په نړیوالو معیارونو یې برابرول، او د محصلینو لپاره د برېښنایې زدکړو په برخه کې روزنیز پروګرامونه شامل وو.
په پای کې، پر ځینو متفرقه موضوعاتو هم بحث وشو.
د نشراتو او عامه اړیکو عمومي مدیریت .
