غزني پوهنتو کې د کرنې پوهنځي استادانو ته په څېړنه کې د احصایوي روشونو کارونې ترسرلیک لاندې دوه ورځنی علمي او معلوماتي سمینار پیل شو.

غزني پوهنتون کې د استادانو د مسلکي پرمختګ آمریت له لوري؛ او په افغانستان کې د ناروي کمېټې په ملاتړ د کرنې پوهنځي استادانو ته د علمي ظرفیت لوړولو په موخه په څېړنه کې د احصایوي روشونو کارونې تر سرلیک لاندې دوه ورځنی علمي او معلوماتي سمینار پیل شو.
د سمینار پیل د قرآن کریم په مبارکو آیتونو سره وشو.
ورپسې د یاد پوهنځي استاد پوهنمل ثابت احمد باوري په څېړنه کې د احصایوي روشونو کارونې اړوند ترتیب کړی پرېزیټېشن؛ چې پکې د څېړنیزو مقالو او علمي پروژو په چمتو کولو کې د احصایوي میتودونو پر ارزښت، د معلوماتو د تحلیل پر معاصرو طریقو او د څېړنې د پایلو پر علمي تفسیر، د احصایوي سافټویرونو د عملي کارونې، د څېړنیزو معلوماتو د سم راټولولو، تحلیل او وړاندې کولو او د څېړنې د کیفیت د لوړولو په برخه کې یې هر اړخیز معلومات وړاندې کړل. 

وروسته د دغه پوهنځي يو بل تن استاد پوهنمل دوکتور مهدي صمیم په زراعت او صحت کې د ملاتونینو رول اړوند هر اړخیز معلومات له ګډونوالو سره شریک کړل.

دغه سمینار د استادانو ترمنځ د علمي تجربو د شریکولو او د څېړنیزو مهارتونو د پیاوړتیا په برخه کې یو مهم ګام وبلل شو.

د نشراتو او عامه اړیکو عمومي مدیریت
چهارشنبه ، ۲۶ جمادی الثاني ۱۴۴۷ هـ.ق— ۲۶ قوس۱۴۰۴ه ش