غزني پوهنتون کې د شرعیاتو او ژبو او ادبیاتو پوهنځیو د اداري برخي کارکوونکو د فعالیتونو او دندو د کیفیت لوړولو په موخه ارزونه ترسره شوه.
غزني پوهنتون کې د مالي او اداري چارو د مرستیال الحاج شیخ عبدالهادي ذوالهادي او ورسره هیئت نن ورځ د شرعیاتو او د ژبو او ادبیاتو پوهنځیو د اداري برخي د کارکوونکو د کار، فعالیت او دندو د کیفیت د لوړولو په موخه رسمي ارزونه ترسره کړه.
د ارزونې په لړ کې د کارکوونکو د دندو، دوامداره حاضریت، د اسنادو منظم ثبت، د محصلینو او استادانو سره د همغږۍ څرنګوالی، او د ادارې د کړنو پر وړاندې د هغوی ژمنتیا وارزول شوه. چې په پایله کې له دغو کارکوونکو سره د مسلکي پرمختګ، د کار ښه تنظیم، او د نوو اداري اصولو د پلي کېدو په اړه لازمې سپارښتنې هم شریکي شوې.
په ورته مهال شیخ صاحب ټینګار وکړ چې دا ډول ارزونې به په دوامداره توګه ترسره کېږي، ترڅو د پوهنتون په ټولو برخو کې د خدمت رسونې کیفیت لوړ او د اداري چارو د بهیر شفافیت لا پیاوړی شي.
د یادونې وړ ده چې یاد ارزوونکي هیئت د هڅونې له مخې د هغو کارکوونکو ستاینه وکړه چې د دندو په ترسره کولو کې یې لوړ مسلکي معیار او همکاري ښودلې ده.
د نشراتو او عامه اړیکو عمومي مدیریت
چهارشنبه ، ۱۹ جمادی الثاني ۱۴۴۷ هـ.ق— ۱۹ قوس۱۴۰۴ه ش
