غزني پوهنتون کې د اداري چارو د لا ښه والې او ودې په موخه د اداري کارکوونکو ارزونه پيل شوه.
غزني پوهنتون کې د مالي او اداري چارو د مرستیال الحاج شیخ عبدالهادي ذوالهادي په مشرۍ او ورسره هیئت چې پکي د کارکوونکو چارو آمر مولوي جلال الدین حلیمي د کارکوونکو د ارزونې عمومي مدیر عبدالله ایوبي او د کارکوونکو د ګمارنې عمومي مدیر رفیع الله ریحان شامل وو؛ د اداري چارو د شفافیت، دندې ترسره کولو د کیفیت لوړولو او د کارکوونکو د مسلکي وړتیاوو د پياوړتیا په هدف د اداري کارکوونکو ارزونه رسماً پيل کړه.
په ورته مهال شیخ صاحب د ارزونې د پیل پر مهال د مسؤلیت او د محصلینو په ښه روزنه خبري وکړې. او زیاته یې کړه چې مسؤلیتونه امانت دي او موږ او تاسو هر یو باید مسؤلیتونه په ښه توګه ترسره کړو او داسي اشخاص وروزو ترڅو مو هیواد په ځان بسیا او د نورو له محتاجه خلاص شو؛ او باید هر استاد او کارمند خپله لایحه وظایف او کاري پلان ته جدي توجه او پلان شوي کارونه پر خپل وخت ترسره کړي او د خپل علمي نهاد د ودې او ترقۍ لپاره هر یو کار وکړي. وروسته ښاغلي ایوبي د ارزونې په لړ کې د کارکوونکو کاري کړنې، دندې ته ژمنتیا، د اداري اسنادو ارزونه، کلنی، ربعوار او میاشتنې راپورونه، اداري نظم، او د دندو د پایلو کیفیت په معیاري او د رسمي چک لیست له مخې وارزول.
د ارزونې په اخیر کې ښاغلي ذوالهادي هیله څرګنده کړه چې د ارزونې پایلې به د ادارې د لا منظم مدیریت، اغېزمنو خدماتو او د پوهنتون د موخو په پرمختګ کې مهم رول ولوبوي.
د نشراتو او عامه اړیکو عمومي مدیریت
دوشنبه ، ۱۷ جمادی الثاني ۱۴۴۷ هـ.ق— ۱۷ قوس۱۴۰۴ه ش
