د غزني پوهنتون عمومي رئیس،د محصلینو د ستونزو د اورېدو او د لیلیې د ټولیز وضعیت د ارزونې په موخه له عمومي لیلیې څخه لیدنه وکړه.
ن ورځ د غزني پوهنتون عمومي رئیس شیخ مولوي عبدالمالک محسن د محصلینو د ستونزو د اورېدو او د لیلیې د ټولیز وضعیت د ارزونې په موخه له عمومي لیلیې څخه لیدنه ترسره کړه.
د دې لیدنې پر مهال شیخ صاحب د لیلیې له مسؤلینو سره له نږدې خبرې وکړې او د اوسېدو، خوړو، حفظ الصحې، او نورو اړوندو برخو د خدماتو د کیفیت په اړه یې تفصیلي معلومات تر لاسه کړل؛ او مسؤلینو ته یې لارښوونه وکړه، چې د راپورته شوو ستونزو د حل لپاره ژر اجرائيې ګامونه پورته کړي او د لیلیې په چارو کې د لا زیات منظم سیستم د رامنځته کولو لپاره لازم تدابیر عملي شي.
او دارنګه یې د لیلیې عمومی مدیریت مسؤلینو وړاندیزونو او غوښتنو ته په دقت غوږ ونیو او ټینګار یې وکړ، چې د غزني پوهنتون رهبري د محصلینو هوساینه او تعلیمي چاپېریال ښه کول خپل لومړیتوب ګڼي.
محصلینو د پوهنتون د رهبري له دې اقدام څخه قدرداني وکړه او دا ډول لیدنې یې د ستونزو د سموالي او د شفافو خدماتو په وړاندې کولو کې اغېزمنې وبللې.
د نشراتو او عامه اړیکو عمومي مدیریت
شنبه ، ۸ جمادی الثانی ۱۴۴۷ هـ.ق— ۸ قوس ۱۴۰۴ هـ.ش
