غزني پوهنتون عمومي رئیس د محصلینو له استازو سره د هغوی د غوښتنو اوریدلو او ستونزو ته د رسېدنې په موخه ناسته ترسره کړه.
د غزني پوهنتون عمومي رئیس، شیخ مولوي عبدالمالک محسن، د چهارشنبې په ورځ د محصلینو له استازو سره ځانګړې ناسته ترسره کړه څو د هغوی غوښتنې او ستونزې له نېژدې څخه واوري.
په غونډه کې د ټولو پوهنځیو استازو ګډون کړی وو. چې خپلې ستونزې او وړاندیزونه یې شيخ صاحب ته بیان کړل. محصلینو په ځانګړي ډول د درسي سهولتونو پیاوړتیا، د تحصیلي چاپېریال ښه کولو په اړه یې خپلې غوښتنې شریکې کړې.
شیخ صاحب د محصلینو ستونزو له اورېدو وروسته د دوی وړاندیزونه مهم وبلل او ډاډ یې ورکړ چې د ټولو معقولو غوښتنو د پوره کېدو لپاره به لازم اقدامات ترسره کړي. نوموړي زیاته کړه چې محصلین د پوهنتون اصلي محور دی او د هغوی ستونزو ته رسیدګي د ادارې لومړیتوب ګڼل کېږي.
هغه ګډونوالو ته وویل: موږ به هڅه وکړو چې د امکاناتو په کچه د محصلینو غوښتنې پلې کړو او داسې علمي فضا رامنځته کړو چې ځوانان وکولی شي په ډاډه زړه خپل تحصیلي سفر ته دوام ورکړي.
د نشراتو او عامه اړیکو عمومي مدیریت
پنج شنبه ، ۶ جمادی الثانی ۱۴۴۷ هـ.ق— ۶ قوس ۱۴۰۴ هـ.ش
