غزني پوهنتون کې محصلینو ته د تشویق، هڅونې، اصلاح او معنوي روزنې په موخه اصلاحي بیان ترسره شو.
د غزني پوهنتون عمومي رئیس، شیخ مولوي عبدالمالک محسن، په لیلیه کې مېشت محصلینو ته د هڅونې، اصلاح او معنوي روزنې په موخه مهم اصلاحي بیان وړاندې کړ.
په یاد اصلاحي بیان پرمهال رئیس صاحب په خپلو خبرو کې محصلین د علم د حاصلولو، د خپل استعداد د وده کولو او د ټولنیزو مسؤلیتونو د درک کولو او د صورت او سیرت اصلاح ته وهڅول. نوموړي ټینګار وکړ چې محصلین باید د خپلو زده کړو ترڅنګ خپل اخلاق، چلند او د اسلامي ارزښتونو ساتنه وکړي، څو په راتلونکي کې د هېواد د ابادۍ او سوکالۍ مؤثر او مسؤل نسل ثابت شي.
هغه زیاته کړه چې محصلین دې له بېهدفه فعالیتونو ځانونه وساتي او خپل وخت د علم، مهارت او شخصیت جوړونې لپاره ځانګړی کړي. شیخ صاحب محصلینو ته دا هم وویل چې هر مثبت ګام، هره سالمه هڅه او هره غوره لاستهراوړنه د ټولې ټولنې د راتلونکي لپاره مهم ارزښت لري.
په پای کې ګډونوالو د نوموړي د اصلاحي بیان هرکلی وکړ او ټینګار یې وکړ چې دا ډول پروګرامونه د زدهکوونکو په فکري روزنه، سالمه لارښوونه او مثبت بدلون راوستلو کې مهم رول لري.
د نشراتو او عامه اړیکو عمومي مدیریت
چهارشنبه ، ۵ جمادی الثانی ۱۴۴۷ هـ.ق— ۵ قوس ۱۴۰۴ هـ.ش
