غزني پوهنتون کې د شرعیاتو پوهنځي استادانو ته د تضمین کیفیت او اعتبار ورکولو نوې چوکاټ د تشریح په موخه څلور ورځنې معلوماتي سمینار پیل شو.

قمري نېټه: ربیع الاول ،٢٢، ۱۴۴۷ هـ.ق
لمريز نېټه: سنبله، ٢٤ ، ۱۴۰۴ هـ.ش
مېلادي نېټه: سپتامبر، ١٥ ، ۲۰۲۵م 

غزني پوهنتون کې د استادانو مسلکي انکشاف آمریت  له لوري د شرعیاتو پوهنځي استادانو ته د تضمین کیفیت او اعتبار ورکولو نوې چوکاټ د تشریح او پوهاوي په موخه څلور ورځنې معلوماتي سمینار پیل شو.
د سمینار پیل د قرآن پاک په مبارکو آیتونو سره وشو. 
 یاد سمینار د کرنې پوهنځي رئیس پوهنوال حبیب الله همایون ،استاد پوهندوي سیدرحیم غفاري استاد پوهندوي محمد مسعود نیکنام او پوهمنل سید صبغت الله ابراهیمي له لوري ګډونوالو ته وړاندې کیږي.
یاد سمینار د شرعیاتو پوهنځي د کیفیت په لوړولو کې یو مهم ګام ګڼل کېږي. تمه ده چې د معیارونو پلي کول به د شرعیاتو پوهنځي په اعتبار، پرمختګ او د زده کړو په بهیر کې څرګندې لاسته راوړنې ولري. 

د نشراتو او عامه اړیکو عمومي مدیریت