د غزني پوهنتون عمومي رئیس او ورسره پلاوي د محصلینو د ژوند، ستونزو د حل او حالاتو له نېژدې څارلو په موخه د عمومي لیلیې څخه لیدنه ترسره کړه.
قمري نېټه: ربیع الاول ،۱۵، ۱۴۴۷ هـ.ق
لمريز نېټه: سنبله، ۱۷ ، ۱۴۰۴ هـ.ش
مېلادي نېټه: سپتامبر، ۸ ، ۲۰۲۵م
د غزني پوهنتون عمومي رئیس الحاج مولوي عبدالواسع منصور او ورسره مل پلاوي د پوهنتون د لیلیې څخه لیدنه وکړه. د لیدنې موخه د محصلینو د اوسني وضعیت څېړل، د هغوی غوښتنې او ستونزې اورېدل او د لیلیې له روانو چارو څخه څارنه وه.
ښاغلي منصور د لیدنې پر مهال د لیلیې د عمومي وضعیت، خونديتوب، حفظ الصحې، درسي سهولتونو او د محصلینو د استوګنې چاپېریال له نږدې وڅېړه. هغه د محصلینو سره په مستقیم ډول خبرې وکړې، او د هغوی ستونزې یې واورېدې، دارنګه یې غوښتنه ورڅخه وکړه چې باید د لیلیې د ټولو اجناسو، نظم او پاکوالي په ساتنه او پنځه وخته په جماعت سره د لمانځه اداکولو، او د اسلامي شریعت کلکه پابندي او د نبي کریم ص د سنتو اتباع اړوند یې لازمي توصیې او لارښوونې ورته وکړې. او ټینګار یې وکړ چې محصلین د بې ځایه وخت تیرولو څخه ډډه وکړي او خپلو درسونو ته جدي توجه وکړي.
محصلینو هم خوښي څرګنده کړه او خپلې ستونزې او وړاندیزونه یې وړاندې کړل. د پوهنتون مشرتابه ډاډ ورکړ چې دغه وړاندیزونه او غوښتنې به یې پر خپل وخت پوره او ستونزي به یې رفع شي.
د یادونې وړ ده چې دا ډول لیدنې د محصلینو د اړتیاوو د درک او د تحصیلي چاپېریال د ښه کولو په برخه کې مهم ګام ګڼل کېږي.
د نشراتو او عامه اړیکو عمومي مدیریت
