غزني پوهنتون کې د فرهنګي کمېټې ناسته ترسره شوه؛ چې په ترڅ کې د ۱۴۰۴ کال محصلینو د فراغت غونډې نېټې او ځای ټاکلو تر څنګ، پر یو شمېر نورو مهمو موضوعاتو بحث وشو.
قمري نېټه: صفرالمظفر، ٣، ۱۴۴۷ هـ.ق
لمريز نېټه: اسد،٦، ۱۴۰۴ هـ.ش
مېلادي نېټه: جولای،٢٨، ۲۰۲۵م
غزني پوهنتون کې فرهنګي کمېټې ناسته ترسره شوه ،چې په ترڅ کې د محصلینو د فراغت غونډې د نېټې او ځای د ټاکلو تر څنګ، پر یو شمېر نورو مهمو موضوعاتو بحث وشو، ناسته د قرآن کریم په مبارکو آیتونو په تلاوت سره پیل شوه.
په دغه ناسته کې، د یادې کمېټې ټولو غړو، ګډون درلود، د فراغت غونډې د ښه تنظیم او بریالي ترسره کېدو لپاره بېلابېل وړاندیزونه مطرح کړل.
همداراز، په ناسته کې پر یو شمېر متفرقه موضوعاتو هم بحث وشو، چې پکې د پوهنتون دننه د فرهنګي فعالیتونو پراخولو، د محصلینو د هنري او ادبي استعدادونو وده، او د فرهنګي چارو د ښه همغږۍ په اړه مهمې پریکړې وشوې.
د ناستې ګډونوالو د فرهنګي کمېټې د فعالیتونو پر لا منظموالي او موثریت ټینګار وکړ، او ژمنه یې وکړه چې د محصلینو د معنوي هڅونې او فرهنګي بډاینې لپاره به خپلې هڅې لا ډېرې کړي.
د نشراتو او عامه اړیکو عمومي مدیریت
