غزني پوهنتون کې د کرنې او د ژبو او ادبیاتو پوهنځیو محصلینو ته؛ په تحصیلي نهادونو کې له ازموینې څخه د اضطراب ( وېري) د مخنیوي اړوند د عامه پوهاوي سمینار دائر شو.
ورځ: سه شنبه
ذالحجه ۲۷ مه، ۱۴۴۶ هـ.ق
سرطان ۳ مه، ۱۴۰۴ هـ.ش
جون ۲۴ مه، ۲۰۲۵ م.
نن ورځ غزني په پوهنتون کې، د کرنې او د ژبو او ادبیاتو پوهنځيو له لومړي ټولګي څخه تر څلورم ټولګي پوري محصلینو ته؛ په تحصیلي نهادونو کې د ازموینې پرمهال د ویرې ( اضطراب) د کنټرول او مخنیوي په موخه معلوماتي سمینار ترسره شو.
د غه سمینار د کرني پوهنځي استاد پوهنمل ثابت احمد باوري او د ژبو او ادبیاتو پوهنځي استاد پوهنمل محمد مصطفی صفا له لوري په جلا جلا وختونو کې ترسره او محصلینو ته پکي، د ازموینې پر مهال د فشار، اندېښنې او وېرې پر وړاندې د مبارزې د لارو چارو ور ښوودل، او هغوی ذهناً او رواناً د ازموینو لپاره چمتو کول؛ او د ازموینې اضطراب د مفهوم روښانه کول، د اضطراب منفي اغېزې تشریح کول، د اضطراب کمولو علمي او علمي لارې په ګوته کول او د رواني ملاتړ ارزښت بیانول شامل وو.
د نشراتو او عامه اړیکو عمومي مدیریت
