غزني پوهنتون کې د کمپیوټر ساینس پوهنځي محصلینو ترمنځ د ورزش د روحیې د پیاوړتیا په موخه د والیبال شپږ ورځنی ټورنمینټ پیل شو.
ورځ: یکشنبه
۱۳/ذالقعده/ ۱۴۴۶ه ق
۲۱/ ثور / ۱۴۰۳ هـ ش
۱۱/ می / ۲۰۲۵ ميلادي
تېره ورځ په غزني پوهنتون کې د کمپیوټر ساینس پوهنځي محصلینو ترمنځ د ورزش د روحیې د پیاوړتیا او د پوهنځي په سطحه د قوي ټیم د غوراوي په موخه د والیبال شپږ ورځنی ټورنمینټ پیل شو.
د دغو سیالیو د پیل په مراسمو کې د یاد پوهنځي رئیس پوهنمل عبدالمتین میاڼي لوبغاړو ته د خبرو پر مهال لوبې او ورزش د صحت او روغتیا ضامن یاد کړ او له لوبغاړو څخه یې غوښتنه وکړه، چې د لوبو پر مهال دې د لوبو ټول اخلاق په نظر کې ونیسي او هیڅکله دې، داسې عمل او چاره نه ترسره کوي، چې لوبې او لوبغاړو ته مزاحمت پیدا کوي.
ښاغلي میاڼي زیاته کړه چې له دغو لوبو څخه یې هدف د محصلانو ترمنځ د اتحاد، یوالی او د محبت فضا رامنځته کول دي. دارنګه د دغه پوهنځي محصلینو خوښې وښوده، چې د زده کړو تر څنګ ورته د لوبو زمینه هم ورته مساعده ده او په راتلونکې کې یې د دې ډول نورو لوبو د ترسره کولو غوښتنه وکړه. اود کمپیوټر ساینس پوهنځي له رهبري څخه هم مننه وکړه، چې دا ډول زمینه یې ورته مساعده کړې ده.
د یادونې وړ ده چې دغه سیالۍ به شپږ ورځي دوام وکړي او وروسته به د پوهنځي په سطحه غوره لوبډله انتخاب شي.
د نشراتو او عامه اړیکو عمومي مدیریت
