د غزني پوهنتون پسرلني سمستر درسونه رسماً پیل شول.
ورځ: پنجشنبه
نیټه: ۶ رمضان المبارک ۱۴۴۶ هـ.ق
۱۶ کب ۱۴۰۳ هـ.ش
۶ مارچ ۲۰۲۵ م
تېره ورځ د غزني پوهنتون پسرلني سمستر درسونه په رسمي ډول پیل شول. د ژمنیو رخصتیو له پای ته رسېدو وروسته، محصلان له نوې انرژۍ، تازه هیلو او لوړ همت سره بېرته پوهنتون ته راستانه شول او د نوي سمستر درسونه یې له بشپړې علاقې او ژمنتیا سره پيل کړل.
د غزني پوهنتون مشرتابه د محصلانو لپاره د نظری او عملي زده کړو لازم امکانات برابر کړي، ترڅو هغوی وکولای شي په یوه علمي او اکاډمیک چاپېریال کې خپلې زده کړې په غوره کیفیت سره تعقیب کړي. پوهنتون هڅه کوي چې د محصلانو علمي کچه نوره هم لوړه کړي او هغوی ته د مسلکي مهارتونو د زده کړې زمینه برابره کړي، ترڅو د هېواد د راتلونکي لپاره مؤثر او وړ کادرونه وروزي.
د نشراتو او عامه اړیکو عمومي مدیریت
