غزني پوهنتون کې استادانو ته دSPSS ) Mendely،Endnote،Latex او Zotero )پراګرومونو اړوند څلور ورځني علمي سیمینار پیل شو.

ورځ: یکشنبه

۲۴/شعبان المعظم۱۴۴۶ه ق

۵/ کب / ۱۴۰۳ هـ ش

۲۳/ فبروري / ۲۰۲۵ ميلادي

غزني پوهنتون کې د څېړنو او علمي مجلې معاونیت له لوري استادانو ته ( د احصایې د اساساتو،SPSS Mendely،Endnote،Latex او Zotero ) پروګرامونو اړوند څلور ورځنی علمي سیمینار پیل شو.

په جوړ شوي سیمینار کې د غزني پوهنتون د مسؤلینو او استادانو ترڅنګ، د غزني تخنیکي پوهنتون، مسلم د لوړو زده کړو مؤسسې او خاتم النبیین د لوړو زده کړو مؤسسې استادانو ګډون کړی وو.

د سیمینار پیل د کلام الله په څو مبارکو آیاتونو سره وشو.

ورپسې د غزني پوهنتون عمومي رئیس الحاج مولوي عبدالواسع منصور د افتتاحیه خبرو پرمهال په هیواد کې د تېرو نظامونو د کړنو او ظلمونو اړوند خبري وکړې

او همدارنګه یې د ا.ا.ا په لاسته راوړنو او کړنو یې هر اړخیزي خبري وکړي. او له استادانو څخه یې د خپلي وړتیا په کار اچولو، او همدارنګه د خپل مسؤلیت په ښه شکل ترسره کولو او د امراوو اطاعت او د سیمینارونو اهمیت ته په کتو په خپل وخت ورته راتګ او له سیمینار څخه پوره اخذ کولو اړوند خبري اتري وکړې.

وروسته له اجنډا سره سم د اقتصاد او کرنې پوهنځیو استادانو نامزد پوهنیار قدرت الله حبیبي او پوهنمل ثابت احمد باوري د احصایې په اساساتو، اوسط، موډ، میانه، پرېکونسي، حسابي اوسط او د سیمینار اړوند نورو موضوعاتو په باره کې چمتو کړي هر اړخیز علمي معلومات وړاندې کړل.

او په پای کې د ګډونوالو پوښتنو ته هر ډول علمي ځوابونه وویل شول.

د نشراتو او عامه اړیکو عمومي مدیریت