د غزني پوهنتون د ژبو او ادبیاتو پوهنځي د پښتو څانګې د څلورم ټولګي محصلینو د خپلو عملي زدهکړو په موخه د اطلاعات او کلتور ریاست ته علمي سیر ترسره کړ.
دوشنبه: ۲۳/جمادی الاول/۱۴۴۶ هـ.ق
۵/قوس/۱۴۰۳ هـ.ش
۲۵/نوامبر/۲۰۲۴ م
د غزني پوهنتون او د دغه ولایت د اطلاعات او کلتور ریاست د لاسلیک شوي دوه اړخیزو علمي همکاریو د تړون په اساس، د یاد پوهنتون د ژبو او ادبیاتو پوهنځي پښتو څانګې د څلورم ټولګي محصلینو د خپلو دوتنو استادانو ښاغلي استاد پوهنمل مصطفی صفا او استاد پوهنمل نقیب الله خانېخېل په لارښوونه، د عملي زدهکړو په موخه د اطلاعات او کلتور ریاست له تاریخي ابداتو او موزیم څخه لیدنه وکړه.
د تاریخي ابداتو عمومي مدیر حاجي اغامحمد خوشهزاده محلصلینو ته د غزني د تاریخي ابداتو اړوند علمي او معلوماتي سیمینار وړاندې کړ. په دې سیمینار کې یې د اسلام نه مخکې دورې او د اسلام څخه را وروسته دورې تاریخي ابداتو په اړه تفصیلي معلومات یې ورسره شریک کړل.
ورپسې د موزیم عمومي مدیر د اسلامي دورې هغه تاریخي توکي محصلینو ته ورښکاره کړل، چې په دغه موزیم کې نندارې ته ایښودل شوي وو. هغه د دغو تاریخي اثارو په تاریخي پس منظر هم هر اړخیز معلومات وړاندې کړل.
محصلینو د یاد ریاست اړوند د بهیقي کتابتون څخه هم لیدنه وکړه. د کتابتون عمومي مدیر ضیاء محمد شریفي د دغه کتابتون په تاریخي مخینه، اوسني وضعیت، او شته کتابونو په اړه بشپړ معلومات وړاندې کړل.
وروسته محصلینو په کتابتون کې د بېلابېلو څانګو کتابونه وکتل او زیات شمېر کتابونه یې ولوستل.
د نشراتو او عامه اړیکو عمومي مدیریت
