د غزني پوهنتون د مالي کمېټې ناسته ترسره او په لړ مهمو موضوعاتو پکې بحث او خبري اتري وشوې.
چهارشنبه: ۶/ ربیع الثاني/ ۱۴۴۶هـ.ق
۱۸/مېزان/۱۴۰۳ه.ش
۹/اکتوبر/۲۰۲۴م
نن ورځ د غزني پوهنتون د مالي کمېټې ناسته د دغه پوهنتون د مالي او اداري چارو مرستیال مولوي محمد جاوید خالد تر مشري لاندي او د دغي کمېټې د ټولو غړو په شتون کې ترسره شوه. غونډه له اجنډا سره سم د کلام الله په څو مبارکو آیاتونو پیل ورپسې د مالي او اداري چارو مرستیال ښاغلي خالد د پوهنتون اړوند د شوو خریداریو د شفافیت او د کمېټې په کړنو باندي خبري وکړې وروسته د دغي کمېټې د تقسیم اوقات، لایحه وظایف، او د عملیاتي پلان په ترتیب، د دغي کمېټې لپاره د منشي د تعین کیدو او د تدارکاتي پلان په تائیدي باندي بحث او خبري وشوې چې دغه موضوعات د کمېټې د غړو له نظریاتو سره سم تائید او تر څنګ یې په یو شمېر نورو متفرقه مسأیلو باندي خبري وشوې او غونډه د دعایې په ویلو سره پای ته ورسېده.
د نشراتو او عامه اړیکو عمومي مدیریت
