د غزني پوهنتون د مالي او اداري چارو مرستیال د خدماتي کارکوونکو سره د کارونو د ښه والي او په چارو کې د همغږۍ په موخه ګډه ناسته ترسره کړه.
سه شنبه: ۲۱/ ربیع الاول/ ۱۴۴۶ه.ق
۳/ میزان/ ۱۴۰۳ه.ش
۲۴/سیپټمبر/۲۰۲۴م
د غزني پوهنتون د مالي او اداري چارو مرستیال مولوي محمد جاوید خالد د پوهنتون له خدماتي کارکوونکو سره د کارونو د ښه والي او په چارو کې د همغږۍ په موخه ګډه ناسته وکړه چې پکې د مالي اداري چارو مرستیال ښاغلي خالد یادو کارکونکو ته د یو لړ سپارښتنو ترڅنګ په کارونو کې د ښه والي او پر خپل وخت وظیفې ته راتګ او په ور سپارل شوو کارونو کې په اخلاص او ایمانداري خبري وکړې او له دوی نه یې غوښتنه وکړه چې باید په خپلو وظیفو کې غفلت ونه کړي او دغه کارونه له وخت سره سم ترسره کړي.
همدارنګه د غزني پوهنتون عمومي رئیس الحاج مولوي عبدالواسع منصور هم دغو کارکوونکو ته د وظیفې پر پابندي او د کارونو په سمه توګه د پر مخ بیولو او د دغو کارکوونکو پر حاضري او نورو مسائلو خبري وکړې او ترڅنګ یې له دوی نه غوښتنه وکړه چې هره ستونزه لري ورسره شریکه تر څو ژر تر ژره حل شي.
د نشراتو او عامه اړیکو عمومي مدیریت
