غزنی پوهنتون د استادانو، تدریسي مدیرانو او د څانګو د اجرائیه مدیرانو لپاره د لوړو زده کړو د معلوماتي سیستم څخه د ګټې اخیستنې لارښوونې پروګرام دایر کړ.
غزنی پوهنتون د استادانو، تدریسي مدیرانو او د څانګو د اجرائیه مدیرانو لپاره د لوړو زده کړو د معلوماتي سیستم څخه د ګټې اخیستنې لارښوونې پروګرام دایر کړ.
پدغه پروګرام کې چې د غزنی پوهنتون د معلوماتي تکنالوژي په همکاری د الکترونیکي زده کړو د کميتې په واسطه ترسره شو د یاد پوهنتون رئیس پوهنمل محمود همت، د علمي او محصلانو چارو مرستیالانو، د پوهنځيو رئیسانو، د څانګو آمرینو، استادانو، تدریسې عمومي مدیرانو او اجرائیه مدیرانو ګډون درلود.
غونډه د قران عظیم الشان په مبارکو آیاتونو پیل شوه وروسته د غزنی پوهنتون د الکترونیکي زده کړو د کمیټې مسؤول محترم وحیدالله عمریار د یادې کمیټې د کړنو او پرګرامونو په اړه خبرې وکړې، ورپسې د غزنی پوهنتون رئیس محترم پوهنمل محمود همت د پروګرام په اړه بنسټیزې خبرې وکړې او د پوهنتون د مسؤلینو څخه يې د سیستم پر تطبیق د پاملرنې غوښتنه وکړه. وروسته د محصلینو چارو مرستیال پوهنمل احمد رضا صالحي د یاد سیستم په اړه خپل چمتو کړي پریزنټیشن ګډونوالو ته وړاندې او اړوندې برخې یې تشریح کړې. وروسته دعلمي چارو مرستیال محترم پوهنمل محمدمسعود نیکنام د یاد پروګرام په اړه خبرې وکړې د یاد پروګرام په لاره اچوونکو او ګډون کوونکو څخه یې مننه وکړه او د استادانو څخه یې غوښتنه وکړه چې د یاد سیستم د تطبیق په اړه خپل مسؤولیت تر سره کړي.
په پای کې د الکترونیکي زده کړو د کمیتې مسؤول محترم وحیدالله عمریار یاد معلوماتی سیستم په عملي ډول د پروګرام ګډونوالو ته تشریح او د دوي پوښتنو ته یې ځوابونه ورکړل.
یاده غونډه د الکترونیکې زده کړو د کمیټې د غړی او دشرعیاتو دپوهنځې د رئیس پوهنیار سید آصف هاشمي دعا کولو سره پای ته ورسیده.
د یادولو وړ ده چې دا پروګرام به په څو دورو کې د استادانو او محصلینو لپاره په راتلونکی کې هم په لاره واچول شي.
