غزني پوهنتون کې د مشرتابه د فرامینو د اغېزو علمي او څېړنیز کنفرانس ته د غوره چمتووالي او په دغه کنفرانس کې وړاندې کېدونکو مقالو د ارزونې په موخه ازمایښتي کنفرانس ترسره شو.
غزني پوهنتون کې د لوړو زده کړو وزارت د هدایت سره سم د علمې څېړنو معاونیت له لوري؛ په وردګ پوهنتون کې د عالیقدر امیرالمؤمنین حفظه الله تعالی ورعاه د فرمانونو د اغېزو تر سرلیک لاندې د جوړېدونکي علمي او څېړنیز کنفرانس ته د لا ښه چمتووالي، علمي پیاوړتیا او د وړاندې کېدونکو څېړنیزو مقالو د ارزونې په موخه ازمایښتي کنفرانس دائر شو.
په دغه ازمایښتي کنفرانس کې شپږ تنه استادانو خپلي څېړنیزي مقالې وړاندې. او د یاد معاونیت له لوري ټاکل شوي هيئت، د دغو څېړنیزو مقالو د علمي او تخنیکي کیفیت، د موضوعاتو د محتوا، د وړاندې کولو د څرنګوالي او د څېړنیزو معیارونو د رعایت په اړه بحث او ارزونه ترسره او د مقالو ارائیه کوونکو ته یې په اړوند برخه کې لازمې سپارښتنې وکړې .
باید وویل شي چې د یاد ازمایښتي کنفرانس جوړېدل د اصلي کنفرانس د لا منظم ترسره کېدو، د څېړنیزو مقالو د کیفیت لوړولو او د علمي بحثونو د پیاوړتیا په برخه کې مهم ګام بلل کېږي.
د نشراتو او عامه اړیکو عمومي مدیریت
چهارشنبه
۱۴۴۸/۰۵/۳۰ هـ.ق
۱۴۰۵/۰۸/۲۰ هـ.ش
۲۰۲۶/۱۱/۱۱م
