غزني پوهنتون کې یو شمېر محصلينو ته د انساني خلقت مقصد او انساني ژوند اهمیت تر عنوان لاندي علمي سمینار ترسره شو.
غزني پوهنتون کې د محصلانو چارو معاونیت له لوري ګڼ شمېر محصلینو ته د انساني خلقت مقصد او د انساني ژوند اهمیت تر عنوان لاندې علمي سمینار ترسره شو. یاد سمینار د شرعیاتو پوهنځي د استاد شیخ محمد نسیم راشد له خوا وړاندې شو.
چې پکي د انسان د پیدایښت فلسفې، د خالق او مخلوق تر منځ اړیکې، د ژوند د هدف او د انساني مسؤلیتونو په اړه هر اړخیز علمي او شرعي توضیحات وړاندې کړل.
هغه زیاته کړه چې انسان د الهي ارادې له مخې د عقل، اختیار او مسؤلیت لرونکی مخلوق دی، او د ده د ژوند حقیقي ارزښت د الله تعالی د رضا تر لاسه کول او د بشري خیر لپاره هڅه کول دي.
د سمینار په پای کې ګډونوالو د استاد له ارزښتناکو څرګندونو مننه وکړه او د ورته علمي او فکري پروګرامونو د دوام غوښتنه یې وکړه. .سمینار د دعا په ویلو سره پای ته ورسېد
د نشراتو او عامه اړیکو عمومي مدیریت
١٤ جمادی الاول ۱۴۴۷ هـ.ق— ١٤ عقرب ۱۴۰۴ هـ.ش
