غزني پوهنتون کې استادانو ته د سټاټا سافټویر له لارې د زماني او پینلډول معلوماتو د تحلیلي ارزونې اړوند علمي او معلوماتي سمینار ترسره شو.
قمري نېټه: ربیع الاول ،۲۱، ۱۴۴۷ هـ.ق
لمريز نېټه: سنبله، ۲۳ ، ۱۴۰۴ هـ.ش
مېلادي نېټه: سپتامبر، ۱۴ ، ۲۰۲۵م
غزني پوهنتون کې د څېړنو او علمي مجلې معاونیت او د استادانو مسلکي آمریت په ګډه همکاري د څېړنو او علمي فعالیتونو د پیاوړتیا په لړ کې، د یاد پوهنتون استادانو ته د سټاټا سافټویر له لارې د زماني او پینلډول معلوماتو د تحلیلي ارزونې په اړه یو ورځنی علمي او معلوماتي سمینار ترسره شو.
په دې سمینار کې د پوهنتون بېلابېلو پوهنځیو استادانو ګډون کړی و. چې د دوکتور پوهنیار استاد عزیز الله فیضي له لوري ګډونوالو ته د سټاټا (STATA) سافټویر د علمي او څېړنیزو کارونو د اسانتیا او د کارولو څرنګوالي اړوند په عملي او نظري ډول وروښودل شو.
د سیمینار موخه د استادانو څېړنیزو وړتیاوو لوړول، د عصري سافټویرونو په مرسته د احصایوي معلوماتو تحلیلي کارول او د نړیوالو علمي معیارونو سره د څېړنو سمون ښودل وو.
ګډونوالو د روزنیزې برنامې په اوږدو کې د پینل ډیټا د تحلیل، د زماني لړۍ د څېړنې، او د څېړنیزو پایلو د دقیق تفسیر پر لارو چارو تفصیلي بحثونه وکړل.
د سمینار په پای کې استادانو د دغسې علمي پروګرامونو د دوام غوښتنه وکړه او ټینګار یې وکړ چې د څېړنو د کچې لوړوالی به د پوهنتون د علمي مقام د لا پیاوړتیا لامل شي.
د نشراتو او عامه اړیکو عمومي مدیریت
