غزني پوهنتون کې اداري او خدماتي کارکوونکو ته د اصلاحي او عقیدوي درسونو په دوام د جهاد اړوند علمي سیمینار وړاندې شو.
قمري نېټه: شوال ۳۰، ۱۴۴۶ هـ.ق
لمریزه نېټه: غویي ۸ ، ۱۴۰۴ هـ.ش
میلادي نېټه: اپرېل ۲۸، ۲۰۲۵م
نن ورځ د غزني پوهنتون د دعوت او ارشاد آمریت له لوري د پوهنتون اداري او خدماتي کارکوونکو ته د اصلاحي او عقیدوي درسونو په دوام، د جهاد تعریف،جهاد حکم او د جهاد ډولونه اړوند علمي سیمینار وړاندې شو. دغه سیمینار د یاد آمریت آمر، مولوي نقیب احمد منذر، له خوا وړاندې شو، چې د نن ورځې درس یې په ځانګړي ډول جهاد اړوند مسائلو او موضوعاتو ته ځانګړی شوی و.
په دغه سیمینار کې برخوالو ته د جهاد اړوند هر اړخیز معلومات وړاندې شول، د خپلو پوښتنو د مطرح کولو فرصت ورکړل شو، او ټولو پوښتنو ته د قناعت وړ ځوابونه وویل شول.
د نشراتو او عامه اړیکو عمومي مدیریت
