غزني پوهنتون دعوت ارشاد آمریت له لوري اداري او خدماتي کارکوونکو ته د اصلاحي او عقیدوي درسونو په دوام د حج پاتې موضوعاتو اړوند سیمینار وړاندې شو.
ورځ: دوشنبه
٢٥/شعبان المعظم۱۴۴۶ه ق
٦/ کب / ۱۴۰۳ هـ ش
۲۴/ فبروري / ۲۰۲۵ ميلادي
د غزني پوهنتون د دعوت او ارشاد آمریت له لوري د پوهنتون اداري او خدماتي کارکوونکو لپاره د اصلاحي او عقیدوي درسونو په دوام، نن ورځ د حج د وجوب شرطونه او د فرضیت دلائلو په اړوند سیمینار وړاندې شو. دغه سیمینار د پوهنتون د یاد آمریت آمر، مولوي نقیب احمد منذر، له خوا هره دوشنبه وړاندې کېږي، چې د نن ورځې درس یې په ځانګړي ډول د حج اړوند موضوعاتو ته ځانګړی شوی و.
په دې غونډه کې ګډونوالو ته هر اړخیز معلومات وړاندې شول، د خپلو پوښتنو د مطرح کولو فرصت ورکړل شو، او ټولو پوښتنو ته قناعت بښوونکي ځوابونه وویل شول.
د نشراتو او عامه اړیکو عمومي مدیریت
