د غزني پوهنتون د دعوت او ارشاد آمریت له لوري اداري او خدماتي کارکوونکو ته د اصلاحې او عقیدوي درسونو په دوام د روژې د پاتې موضوعاتو او امربالمعروف نهی عن المنکر وزارت قانون اړوند سیمینار وړاندې شو.
نېټې او ورځ:
دوشنبه، ٢٨ جمادیالثاني ۱۴۴۶ هـ ق
١٠ جدی ۱۴۰۳ هـ ش
٣٠ دسمبر ۲۰۲۴ م
د غزني پوهنتون د دعوت او ارشاد آمریت له لوري اداري او خدماتي کارکوونکو ته د اصلاحې او عقیدوي درسونو په لړ کې نن ورځ د روژې د پاتې موضوعاتو او امربالمعروف نهی عن المنکر وزارت قانون اړوند سیمینار وړاندې شو.
دغه سیمینار د دعوت او ارشاد آمریت د آمر م..ول..وی نقیب احمد منذر له لوری وړاندې شو. چې پکي ګډونوالو ته د روژې ارکان، شرطونه، سنتونه او ماتوونکي په اړه هر اړخیز معلومات ورکړل شول.
د سیمینار موخه د اداري او خدماتي کارکوونکو د دیني پوهاوي لوړول و، چې هر دوشنبه د یاد آمریت لخوا ترسره کېږي.
د سیمینار په پای کې د ګډونوالو پوښتنو ته ځوابونه وویل شول، او غونډه د دعا په ویلو سره پای ته ورسېده.
د نشراتو او عامه اړیکو عمومي مدیریت
