د غزني پوهنتون رهبري او د غزني ولایت د اطلاتو او کلتور ریاست اړوند د ځوانانو چارو آمریت څخه راغلي هئیت د اقتصاد پوهنځی له محصلینو سره په هیواد کې د بېکاري د مخنیوي او ځوانانو ته د کاري فرصتونو د ایجادولو په موخه وکتل.
سه شنبه: ۲۸/ ربیع الاول/ ۱۴۴۶ه.ق
۱۰/ میزان/ ۱۴۰۳ه.ش
۱/اكتوبر/۲۰۲۴م
نن ورځ د غزني پوهنتون رهبري او د یاد ولایت د اطلاتو او کلتور ریاست اړوند د ځوانانو چارو آمریت څخه راغلي هئیت د اقتصاد پوهنځی له محصلینو سره په هیواد کې د بېکاري د مخنیوي او ځوانانو ته د کاري فرصتونو د ایجادولو په موخه وکتل.
پدغه کتنه کې راغلي هيئت په هیواد او ټولنه کې د ځوانانو د کاري بوختیا او د بې کاري د له منځه وړلو اړوند نظرونه شریک کړل او ددغې ستونزې د عواملو او منطقې حل په موخه ئې محصلینو ته پوښتنپاڼې ورکړې ترڅو ددغو پوښتنپاڼو د ځوابولو او د ځوانانو د نظر اخیستلو له لاري دغي ستونزي د حل لاري ولټول شي.
د نشراتو او عامه اړیکو عمومي مدیریت
