غزني پوهنتون کې د ژبو او ادبیاتو له پوهنځي سره د (۳۶) ټوکه علمي، ادبې او کلتوري کتابونو مرسته وشوه.

غزني پوهنتون کې د ژبو او ادبیاتو پوهنځي د مسؤلینو د هڅو او بهرنیو همکاریو د جلب په ترڅ کې او د یاد پوهنځي د څېړنیزو ظرفیتونو د لوړاوي او علمي تشو د ډکولو په موخه د (۳۶) ټوکه بېلابېلو علمي، ادبي او کلتوري کتابونو مرسته ترسره شوه.
یاد کتابونه د عنایت الرحمن عازم او صفی الله ذاهد له لوري دغه پوهنځي ته وسپارل شول. چې پکي بېلابیل علمي، ادبې او کلتوري کتابونه شامل دي، چې وبه کولی شي د محصلینو او استادانو د علمي اړتیاؤ یوه برخه پوره کړي.
په ورته مهال د دغه پوهنځي رئیس مفتي محمد میرویس عبدالله د مرسته کوونکو دغه کړنه وستایله او ویې ویل، چې دا ډول علمي منابع د محصلینو د مطالعې کلتور پیاوړی کوي او د څېړنیزو فعالیتونو په پراختیا کې به ګټور تمام شي.
دوی همداراز زیاته کړه، چې هڅه کوي له دې کتابونو څخه په منظم ډول استفاده وکړي، څو د تدریس او څېړنې کیفیت لا لوړ او علمي چاپېریال لا بډایه شي.
د نشراتو او عامه اړیکو عمومي مدیریت
نېټه: چهار شنبه 
۱۴۴۷هـ.ق، ذوالقعدة الحرام ١٩ مه
۱۴۰۵هـ.ش، ثور ١٦ مه
۲۰۲۶م، مې ٦ مه