په غزني پوهنتون کې د زلزله ځپلو د لاسنیوي په موخه د مرستو راټولولو لړۍ دوام لري:
نن ورځ دوشنبه چې د ۱۴۴۵ قمري کال د ربیع الاول د میاشتې له ۲۴ نېټې سره سمون خوري، د هرات او بادغیس ولایتونو د ناچاره او دردناکه مظلوم ملت سره د همکارۍ په موخه د مرستو راټولولو لړۍ پیل شوه. سهار مهال د غزني پوهنتون رهبري د یوې غونډې په ترڅ کې د زلزلې له آمله شهیدانو او زخمیانو ته دوعاء او کورنیو ته د صبرجمیل غوښتنه وکړه. وروسته یې د مرستې د راټولولو بهیر پیل کړ، چې د ورځي په اوږدو کې تقریباً د (87660) په اندازه افغانۍ را ټولې شوې. د غزني پوهنتون رهبري یو ځل بیا له ټولو محترمو استادانو، کارمندانو او محصلینو څخه هیله کوي، چې خپله هم مرسته وکړي او هم نور شتمن هېوادوال مرستې ته وهڅوي. د یادونې وړ دی، چې د مرستو راټولولو بهیر به سبا ورځ هم جریان ولري، ان شاالله.
