غزنی پوهنتون کې د تضمین کیفیت کمېټې نوبتې ناسته ترسره شوه.
نېټه:
قمري: ١٦ رمضان المبارک ۱۴۴۶
لمریز: ٢٦ کب (حوت) ۱۴۰۳
میلادي: ١٦ مارچ ۲۰۲۵
غزنی پوهنتون کې د تضمین کیفیت کمېټې نوبتې ناسته د یاد پوهنتون د علمي چارو مرستیال په مشرۍ ترسره شوه، چې پکې د یادې کمېټې ټولو غړو شتون درلود.
د ناستي پیل د قران کریم په مبارکو ایتونو سره وشوه،
ورپسې د علمي چارو مرستیال مولوي محمد حیدرحمزه د ناستې ګډونوالو ته ښه راغلاست ووایه او زیاته یې کړه، چې د کمېټو کارونه باید په ټاکلي وخت ترسره شي، ترڅو چارې له ځنډ سره مخ نشي. همداراز، کمېټې باید خپلې پرېکړې عملي کړي او د تطبیق لپاره واضح مهالوېش وټاکي. د پرېکړو د شفافیت، تعقیب او ارزونې لپاره باید منظم نظارت وشي، ترڅو د پوهنتون اهداف په مؤثر ډول ترلاسه شي.
په ناسته کې، تر اساسي موضوعاتو وروسته، پر ځینو متفرقه مسایلو هم بحث او خبري اتري وشوې، او اړینې پرېکړې ترسره شوې.
غونډه د دعا په ویلو سره پای ته ورسېده.
نشراتو او عامه اړیکو عمومي مدیریت
