غزني پوهنتون کې ( ۱۳۰ ) تنو محصلینو ته د کمپیوټر زده کړې دوه میاشتنی کورس پیل شو.
قمري نېټه: ربیع الاول ،٢٢، ۱۴۴۷ هـ.ق
لمريز نېټه: سنبله، ٢٤ ، ۱۴۰۴ هـ.ش
مېلادي نېټه: سپتامبر، ١٥ ، ۲۰۲۵م
د غزني پوهنتون د محصلینو د مسلکي وړتیاوو د لوړولو او د ټکنالوژۍ له نوې پرمختګ سره د هغوی د بلدتیا په موخه، د کمپیوټر زده کړې دوه میاشتنی کورس پیل شو. په دې کورس کې ټولټال ۱۳۰ تنه محصلین د پوهنتون له بېلابېلو پوهنځیو څخه ګډون کوي.
یاد کورس د محصلانو چارو معاونیت په نوښت پیل شوی دی. چې موخه یې محصلینو ته د کمپیوټر بنسټیزو مهارتونو، د معلوماتي ټکنالوژۍ ابتدایي اصولو، او د برېښنایي خدماتو عملي کارونې ور وپېژندل دي.
د یاد کورس په جوړیدو باندي محصلینو خوښي څرګنده کړه او ویې ویل چې د دغه پروګرام تر پای ته رسېدو سره به یې د کمپیوټر په برخه کې ډیری ستونزي حل شي.
د نشراتو او عامه اړیکو عمومي مدیریت
