غزني پوهنتون کې په پنځو تشو اداري بستونو کې د وړ او په کارپوه کسانو د ګمارنې په موخه له شاو او خوا ۶۷ پر شرایطو برابر پېژندل شوو داوطلبانو څخه ازموینه ترسره شوه.
غزني پوهنتون کې د ټاکل شوې کمېټې له لوري چې پکي د مالي او اداري چارو مرستیال، علمي چارو مرستیال، د کارکوونکو چارو آمر ، د کرنې پوهنځي یو تن استاد او د ولایت مقام او اداري اصلاحاتو او ملکي خدمتونو استازو پکي شتون درلود؛ د پنځو اداري بستونو لپاره يې له ۶۷ تنه پر شرایطو برابر پېژندل شوو داوطلبانو څخه ازموینه واخیستله.
د ازموینې د پیل پرمهال د مالي او اداري چارو مرستیال الحاج شیخ عبدالهادي ذوالهادي وویل چې د ازموينې پروسه په مکمل ډول شفافه او د هر ډول درغلي څخه خوندي ده او هغه کسان به دغو بستونو ته انتخابوي چې د وړتیا له مخي یې لوړه نمره ترلاسه کړي وي او زیاته يې کړه چې د ازموینې پایلي به ډیري ژر اعلان کړي.
باید وویل شي چې یاد بستونه څه موده مخکې د وړ او مسلکي کسانو د ګمارنې په موخه د ازادي سیالۍ لارې اعلان ته سپارل شوي وو او شاو، خوا ۱۱۳ تنو ورته نوم لیکنه کړې وه چې له شارټ لیست څخه
وروسته ۶۷ تنو نن په ازموینه کې ګډون کړی ؤ.
د نشراتو او عامه اړیکو عمومي مدیریت
نېټه: دوشنبه
۱۴۴۷هـ.ق، شوال المکرم ۲۶ مه
۱۴۰۵هـ.ش، حمل ۲۴ مه
۲۰۲۶م، اپریل ۱۳ مه
