غزني پوهنتون کې په مختلفو برخو کې د ترسره شويو څېړنو د پایلو شریکو معلوماتي کنفرانس؛ او د ۱۴۰۳ کال د غوره څېړونکو د تشویق او ستاینې په موخه غونډه ترسره شو.
ورځ: دوشنبه
ذالحجه ۲۶ مه، ۱۴۴۶ هـ.ق
سرطان ۲ مه، ۱۴۰۴ هـ.ش
جون ۲۳ مه، ۲۰۲۵ م.
غزني پوهنتون کې د څېړنو او علمي مجلې معاونیت له لوري د بیلابیلو پوهنځیو د استادانو له لوري په مختلفو برخو کې د ترسره شویو څېړنو پایلې؛ له ټولنې، مسؤلینو او سکټوري ریاستونو د شریکولو په موخه معلوماتي کنفرانس او د ۱۴۰۳ ه.ش کال د غوره څېړونکو د ستاینې او تشویق په موخه عمومي غونډه ترسره شوه.
په دغه ناسته کې د غزني پوهنتون د مسؤلینو، استادانو او کارکوونکو سربیره د یاد ولایت د سکتوري ریاستونو استازو او د خصوصي پوهنتونونو استازو برخه اخیستي وه.
د ناستې پیل د قرآنکریم په مبارکو آیتونو سره وشو.
ورپسې عمومي رئیس الحاج مولوي عبدالواسع منصور غونډې ته د علمي ارزښت او ستاینې اړوند د پیل وینا وکړه او د علمي څېړنو اهمیت او ارزښت یې په ګوته کړ. او له څېړونکو څخه یې غوښتنه وکړه چې خپلو څېړنو ته لا پرمختګ ورکړي ترڅو مو هیواد په هره برخه کې د پرمختګ ګامونه اوچت او دارنګه یې دوی ته د هر ډول همکاریو ډاډ ورکړ.
همداراز د څېړنو او علمې مجلې مرستیال پوهندوی احسان الله کامران وویل چې د پوهنتون اصلي رسالت د علمي کدر تولید او په یو هیواد کې د ستونزو په ګوته کول او هغوی ته د حل لارو لټول دي. او زیاته یې کړه چې ننۍ نړۍ د څېړنو پر مټ دې ځای ته رسېدلي ده.
وروسته د پوهنتون په سطحه د بیلابیلو پوهنځیو ۶ تنه استادان، د ۱۴۰۳ ه.ش کال د غوره د څېړونکو په توګه وستایل شول او ځانګړې تقدیر پاڼې او ترتیب شوي تندیسونه ورته ووېشل شول.
او په اخیر کې د علمي چارو مرستیال مولوي محمد حیدر حمزه د غونډې مثبتې پایلې او غورچاڼ له ګډونوالو سره شریک کړل.
د نشراتو او عامه اړیکو عمومي مدیریت
