غزني پوهنتون کې ټولو استادانو او اداري کارکوونکو ته د رهبري د پراختیا مهارتونه تر سرلیک لاندې پنځه ورځنی علمي او معلوماتي سیمینار پیل شو.
ورځ: یکشنبه
شعبان المعظم ۱۰ مه، ۱۴۴۶ هـ.ق
سلواغې ۲۱ مه، ۱۴۰۳ هـ.ش
فبروري ۹ مه، ۲۰۲۵ م.
نن ورځ په غزني پوهنتون کې د یاد پوهنتون د علمي چارو معاونیت له لوري ټولو استادانو او اداري کارکوونکو ته د رهبري د پراختیا مهارتونه تر سرلیک لاندې پنځه ورځنی علمي او معلوماتي سیمینار پیل شو.
د سیمینار پیل د کلام الله په مبارکو آیاتونو سره وشو.
ورپسې د علمي چارو مرستیال مولوي محمد حیدر حمزه د سیمینار ګډونوالو ته د ښه راغلاست او هرکلي ترڅنګ، د سیمینار په ارزښت او اهمیت خبري وکړې او له ګډون کوونکو، څخه یې سیمینار ته د پر وخت راتګ او فعاله ګډون غوښتنه وکړه او همدارنګه یې د رهبري او مدیریت په اړه له اسلامي او دیني اړخه هر اړخیز معلومات وړاندې کړل.
وروسته ښاغلي حمزه د چمتو کړي پریزینټېشن مطابق د رهبري او مدیریت په پېژندنه، د رهبري په موخو، مدیریت او دندي یې، د رهبري مفهوم او اهمیت یې، د رهبرانو اوصاف، د رهبرانو دیني او اداري دندې، په اداره کې مؤثریت او مثمریت، د رهبري په مهمو عناصرو، د رهبر په دندو او د رهبري اړوند نظریاتو باندې هر اړخیز معلومات وړاندې کړل. او د سیمینار په پای کې د ګډونوالو ته پوښتنو ته ځوابونه وویل شول.
د نشراتو او عامه اړیکو عمومي مدیریت
