غزني پوهنتون کې رهبري شورا ناسته ترسره او د استادانو، محصلینو د علمي سیرونو په منظم ترسراوي سربیره په یو شمېر مهمو موضوعاتو بحث او لازمې پریکړي وشوې.
قمري نېټه: صفرالمظفر، ٢، ۱۴۴۷ هـ.ق
لمريز نېټه: اسد، ٥، ۱۴۰۴ هـ.ش
مېلادي نېټه: جولای، ٢٧، ۲۰۲۵م
غزني پوهنتون کې د رهبري شورا ناسته د یاد پوهنتون د عمومي رئیس الحاج مولوي عبدالواسع منصور په مشرۍ ترسره شوه. چې پکې د پوهنتون مرستیالانو، د پوهنځیو رئیسانو، د اداري او علمي برخو مسؤلینو او نورو اړوندو غړو ګډون کړی و.
ناسته د قرآن کریم د څو مبارکو آیتونو په تلاوت سره پیل شوه، ورپسې عمومي رئیس ښاغلي منصور د تیرې ناستې پرېکړو ته لنډه کتنه وکړه او د ترسره شویو چارو څخه یې خوښي څرګنده کړه او ګډونوالو ته د اجنډا موضوعات تشریح او د ناستې اهمیت یې روښانه کړ. نوموړي وویل چې رهبري شورا د پوهنتون د علمي، اداري او پرمختیایي چارو د سمون، همغږۍ او ښې ادارې لپاره یو مهم پلاتفورم دی.
په یاده ناسته کې پر یو لړ مهمو موضوعاتو لکه د استادانو او محصلینو د علمي سیرونو په منظم ترسراوي، د ۱۴۰۴ کال د محصلینو د فراغت په موخه د منظمې فراغت غونډې ترتیب، د راتلونکي سمیستر د درسونو د وخت تعیین او چمتوالی، په راتلونکي سمیستر کې د مهمو دیني سمینارونو ترتیب او د کلیوالي سیمو پرمختګ ملي کنفرانس په پروپوزل تر ژور بحث وروسته د رهبري شورا غړو هر اړخیزې پرېکړې تصویب کړې او ټینګار وشو چې د یادو مواردو د تطبیق لپاره به هره برخه خپل مسؤلیتونه پر وخت او مسؤلانه توګه تر سره کړي.
په پای کې د پوهنتون عمومي رئیس له ټولو ګډونوالو څخه مننه وکړه او له هغوی یې وغوښتل چې د پوهنتون د علمي او اداري پراختیا لپاره لا زیاتې هڅې وکړي.
د نشراتو او عامه اړیکو عمومي مدیریت
