غزني پوهنتون کې د ۱۴۰۵هـ ش کال د کانکور عمومي ازموینه پیل چې په دوو ورځو کې به ترسره شي.
د ۱۴۰۵ هجري لمریز کال د کانکور عمومي ازموینه نن ورځ د غزني پوهنتون په انګړ کې د رسمي مراسمو پرمهال پیل، چې ټاکل شوې په دوو ورځو کې به ترسره شي. په دغه ازموینه کې د غزني مرکز او ولسواليو څخه ۳۷۲۰ تنه داوطلبانو ګډون کړی.
د ازموینې د پرانیستې په مراسمو کې د غزني پوهنتون مسؤلینو، د ازموینو عمومي ادارې هيئت او تخنیکي ټیم د پوهنې ریاست رئیس، استادانو او ګڼ شمېر زدهکوونکو ګډون کړی.
د دغي ازموینې د پرانسیتي په مراسمو کې د غزني پوهنتون عمومي رئیس شیخ مولوي عبدالمالک محسن د ازموینې پروسه د هېواد د علمي پرمختګ او د ځوان نسل د روښانه راتلونکي لپاره مهم ګام وباله او له ګډونوالو یې وغوښتل چې د ازموینې اصولو ته جدي پاملرنه وکړي.
او ډاډ يې ورکړ چې د ازموینې ټول بهیر د ځانګړي هيئت تر څار لاندې پر مخ وړل کېږي او د شفافیت اصل به په بشپړه توګه مراعات شي.
همداراز د ازموینو عمومي ادارې د هیئت مشر استاد محمد داؤد ځلاند د دغي پروسې اړوند معلومات له ګډونوالو سره شریک او له څارونکې هيئت څخه یې غوښتنه وکړه چې د ازموینې ټاکل شوي وخت ته جدي پاملرنه وکړي.
دارنګه د غزني ولایت د پوهني رئیس مولوي میرنصیراحمد حسیني د علومو په ارزښت او اهمیت خبري وکړې او ويې ویل چې ننۍ نړۍ د علومو او ټکنالوژي په واسطه پرمختګ کړی نو باید موږ او تاسو باید دغه برخي ته زیاته توجه وکړو او راتلونکې نسلونه په دیني او عصري علومو سمبال ورزو.
وروسته د ازمویني د پوښتنپاڼو صندوقونه د مسؤلینو له لوري د ګډونوالو په حضور کې پرانیستل شول.
باید وویل شي چې د کانکور عمومي ازموینه به نن ورځ پنج شنبه او سبا جمعې ورځ ترسره شي.
د نشراتو او عامه اړیکو عمومي مدیریت
نېټه: پنج شنبه
۱۴۴۷هـ.ق، ذوالقعدة الحرام ۲۷ مه
۱۴۰۵هـ.ش، ثور ۲۴ مه
۲۰۲۶م، مې ۱۴ مه
