غزني پوهنتون کې د ۱۴۰۴ ه.ش کال د خزاني سمیستر نهایې ازموینې په پوره شفافیت او ډاډمنه فضأ کې پیل شوې.
غزني پوهنتون کې، د ۱۴۰۴ هـ ش کال د خزاني سمېستر نهایي ازموینې د بشپړ شفافیت او منظم مدیریت په فضاء کې پیل شوې.
د پیل شوو ازموینو له صحنو څخه د علمي چارو مرستیال مولوي محمد حیدر حمزه د لیدنې پرمهال د محصلینو د ستونزو او مشکلاتو پوښتنه وکړه؛ او د ازموینو له شفافیت څخه یې پوره ډاډ ورکړ او زیاته یې کړه چې دغه ازموینې د ټاکل شویو اصولو، معیارونو او اداري پلان سره به سمي پر مخ ځي او د پایلو شفافیت د پوهنتون د رهبري لپاره لومړیتوب دی. نوموړي وویل چې د علمي پروسو د لا ښه والي او محصلینو د ستونزو د ژر حل لپاره لازم ترتیبات نیول شوي دي. او له محصلینو څخه یې د صورت او سیرت د اصلاح غوښتنه وکړه.
محصلینو هم د نهایي ازموینو له پيل څخه خپله خوښي څرګنده کړه او ټینګار یې وکړ چې د شفافې سیالۍ په فضا کې به د خپلو هڅو غوره نتیجه ترلاسه کړي.
غزني پوهنتون د هېواد له مهمو علمي مرکزونو څخه دی چې هر کال په بېلابېلو پوهنځیو او څانګو کې سلګونه محصلین فارغ او د هېواد د خدمت ډګر ته وړاندې کوي.
د نشراتو او عامه اړیکو عمومي مدیریت
شنبه ، ۱ جمادی الثانی ۱۴۴۷ هـ.ق— ۱ قوس ۱۴۰۴ هـ.ش
