غزني پوهنتون کې د کیفیت لوړاوي او باور ورکونې د نوي چوکاټ معیارونو د تشریح او پوهاوي په موخه درې ورځنی علمي او معلوماتي سمینار پیل شو.
غزني پوهنتون کې د لوړو زده کړو د کیفیت د لا ښه والي، معیاري کولو او د تحصیلي بنسټونو د اغېزمنتیا د پیاوړتیا په موخه، د پوهنتون په کچه رهبري او مسؤلینو ته د کیفیت لوړاوي او باور ورکونې د نوي چوکاټ معیارونو د تشریح او پوهاوي دری ورځنی علمي او معلوماتي سمینار پیل شو.
دغه سمینار چې د پوهنتون د رهبرۍ، د پوهنځیو رئیسانو، آمرینو او اداري مسؤلینو په ګډون ترسره کېږي، موخه یې د کیفیت لوړاوي او باور ورکونې د نوي چوکاټ د معیارونو تشریح، د تطبیق څرنګوالي روښانه کول، او د تحصیلي او اداري چارو د لا معیاري کېدو لپاره د ګډ درک رامنځته کول دي.
یاد سمینار نن ورځ د علمي څېړنو او مجلې د مرستیال پوهندوی دوکتور دریا خان هڅاند او د ژبو او ادبیاتو پوهنځي رئیس مفتي محمد میرویس عبدالله له لوري وړاندې شو، چې پرمهال یې ګډونوالو ته د کیفیت لوړاوي لومړی او دوهم اصلي معیارونه او اړوند فرعي معیارونه او شاخصونه په تفصیلي ډول وړاندې شول.
باید وویل شي چې دغه سمینار به دری ورځې دوام وکړي او هر اصلي او فرعي معیار به په منظم ډول تشریح شي.
د نشراتو او عامه اړیکو عمومي مدیریت
شنبه
۱۴۴۷/۱۲/۲۰هـ.ق
۱۴۰۵/۰۳/۱۶هـ.ش
۲۰۲۶/۰۶/۶م
