غزني پوهنتون کې د کمپیوټر ساینس پوهنځي د دوو څانګو ( معلوماتي ټکنالوژۍ او معلوماتي سیستمونو) لپاره نوي آمرین معرفي او رسماً یې خپلي چاري پیل کړې.
غزني پوهنتون کې د کمپیوټر ساینس پوهنځي د معلوماتي ټکنالوژۍ څانګې آمریت لپاره پوهنیار فرید احمد درمل او د معلوماتي سیستمونو څانګې آمریت لپاره نوماند پوهنیار نورالله آرین د نویو آمرینو په توګه رسماً معرفي شو. په دغه مراسمو کې د ياد پوهنځي رئیس ،استادانو اواداري کارکوونکو ګډون کړي وو.
چې پکي د دغه پوهنځي رئیس پوهندوی عبدالمتین میاڼي د نویو آمرینو مسلکي وړتیاوې وستایلې او نوموړو ته یې په نوې دنده کې د لا برياوو هیله څرګنده کړه. همدارنګه یې د پخوانيو آمرینو له هڅو څخه مننه وکړه او د هغوی خدمتونه یې وستایل.
په ورته مهال یادو شویو آمرینو هم ژمنه وکړه چې د دغو څانګو د علمي کچې د لوړولو، د محصلینو د ظرفیت د پراخولو او د تدریسي او تحقیقي چارو د ښهوالي لپاره به جدي هڅې کوي.
د یادونې وړ ده چې د نوموړو دوو آمرینو د معرفي کېدو موخه د کمپیوټرساینس پوهنځي د علمي او اداري چارو لا ښه تنظیم او پرمختګ بلل کېږي.
د نشراتو او عامه اړیکو عمومي مدیریت
دوشنبه ، ۱۵ رجب المرجب ۱۴۴۷ هـ.ق— ۱۵ جدې۱۴۰۴هـ ش
