غزني پوهنتون کې د پسرلني سمیسټر وروستۍ ازموينې په بشپړ نظم او پوره شفافیت سره پای ته ورسېدې.
قمري نېټه: صفرالمظفر، ۳، ۱۴۴۷ هـ.ق
لمريز نېټه: اسد، ۶، ۱۴۰۴ هـ.ش
مېلادي نېټه: جولای، ۲۸، ۲۰۲۵م
غزني پوهنتون کې د ۱۴۰۴ لمریز کال د پسرلني سمیستر وروستۍ ازموينې، د پوهنتون د رهبرۍ، استادانو او اداري کارکونکو په ګډو هڅو سره، د بشپړ نظم او پوره شفافيت په فضا کې پای ته ورسېدې.
د پوهنتون عمومي رئیس الحاج مولوي عبدالواسع منصور د ازموینو د بهیر د ارزونې پر مهال وویل:
موږ ژمن یو چې خپلو محصلینو ته د زدهکړو یو سالم، شفاف او رقابتي چاپېریال برابر کړو، د پسرلني سمیستر ازموینې مو د شفافیت، دقت او نظم له اصولو سره سمي ترسره کړې.
دا ازموينې د ټولو پوهنځیو په کچه، د معیاري ارزونې له مخې ترسره شوې، او د هر پوهنځي اداري هیئت د بهیر څارنه وکړه. محصلین، استادان او د ازموینو د کمیټې غړي د منظم مهالوېش، واضحو طرزالعملونو او شفافې فضا له امله خوښي وښوده.د ازموینو پر مهال ټول تخنیکي، اداري او امنیتي تدابیر نیول شوي وو، ترڅو د هر ډول احتمالي ستونزو مخنیوی وشي. استادانو د پوښتنو ترتیب او ارزونه له اصولو سره سم ترسره کړې او د محصلینو لپاره یې د شفافې نمرې ورکونې زمینه برابره کړې.
د پوهنتون مشرتابه هیله څرګنده کړه چې د راتلونکو سمیسترونو لپاره به هم دا شفافیتي سیستم لا پراخ او معیاري شي، او د زدهکړې کیفیت ته به لا زیاته پاملرنه وشي.
د نشراتو او عامه اړیکو عمومي مدیریت
