غزني پوهنتون کې د مالي او اداري چارو معاونیت اداري ناسته د پوهنتون د اداري خدماتو د لا اغېزمنتیا او راتلونکو پلانونو په موخه ترسره شوه.
د غزني پوهنتون د مالي او اداري چارو معاونیت تر چتر لاندې د یاد معاونیت اړوند د ټولو آمرینو او مدیرانو په ګډون یوه مهمه اداري ناسته ترسره شوه.
په دې ناسته کې د مالي او اداري چارو مرستیال شیخ الحدیث مولوي عبدالهادي ذوالهادي ګډونوالو ته د ښه راغلاست ویلو ترڅنګ، د پوهنتون د اداري خدماتو د لا اغېزمنتیا، د کار نظم او انسجام، د اداري شفافیت او حساب ورکونې په برخه کې د راتلونکو پلانونو پر اهمیت خبرې وکړې. او د قرآني آیت په ذکر کولو سره یې وویل چې موږ تاسو باید د چارو په ترسره کولو کې له الله تعالی څخه ووېریږو او له ریښتینو کسانو څخه سو. او راسپارل شوي مسؤلیتونه د صداقت او ایماندارۍ له مخې سرته ورسوو.
همدارنګه د غونډې پر مهال د اداري پروسې د چټکتیا، د تدارکاتي سیستم د لا پیاوړتیا، د چاپېریال د منظم ساتنې، په پوهنتون کې د روانو زیربنایې پروژو منظم نظارت او د کارونو پر خپل وخت کولو اړوند بحث او خبري اتري او اړوند کار کوونکو ته خپل خپل کارونه وسپارل شول.
مسوولینو خپله ژمنتیا څرګنده کړه چې د لوړو اهدافو د ترلاسه کولو لپاره به په ګډه همکاري او هڅې زیاتوي او د پوهنتون د ودې او پرمختګ لپاره به منظمه توګه کار کوي.
د غونډې په پای کې شیخ صاحب له ټولو ګډونوالو مننه وکړه او د ترسره شویو پرېکړو د دقیق تطبیق غوښتنه یې وکړه.
د نشراتو او عامه اړیکو عمومي مدیریت
شنبه، ۳ جمادی الاول ۱۴۴۷ هـ.ق— ۳ عقرب ۱۴۰۴ هـ.ش
